Page 79 - ambiente
P. 79
Vaja, settèmmiru!*
Vampati di sangu nall'occhi...
E 'n celu, a mmari, suli e niulati.
'N terra
ficurinnia e zabbari;
lami e zotti di luci, di suli,
fra burraschi e schiàruti.
Un cani, a' muntagna,
assicuta 'nte lìmita e abbaia.
D'a negghia, a' Chiana,
nèscinu e si stàgghianu
'nt'on ortu a pumamuri e annurìnnia
cacciatura 'nsunnati, 'mparsamati,
'ncantati d'a cerca du cagnolu
( ...chi aèri ancora sucava!) .
...Puntàu!... Eppuru
è 'a prima quagghia chi bbiri!
(Ma 'stu pumamuri citrignu
'unn'u pozzu lassari...).
D'u Fànfalu 'ntrònanu 'n paisi
'i scupittati e tùrtuli
-stanchi-
ittàti a rriddossu d'i mura
o ammucciàti 'nto cèusu
o 'nt'on fussuni truvatu a primu tirrenu.
• Orsu, settembre!
265
