Page 84 - ambiente

V icenna garibardina

All'unnici di maju, 'nto sissanta, AURELIO
tuccau a Petru Missu1 - chi piscava-
di pilutari «l Milli« pi Marsala:
(Mimìu chi scantu!... Quasi cci attisava!) .

...All'arba, a rima, trainava a occhiati:
sbucca d'u Faragghiuni, a trarimentu,
'n mezz'a faiddi e fumu, un gran vapuri;
l'omini... comu muschi, a centu a centu.

Cantavanu... D'u ponti, c'u mecafanu,
Unu 'n cammisa russa e 'na gran varva
mi fa: «Voi della barca,... per Marsala»?
-Prua a sciloccu, e chi Diu vi sarva!

Mi vennu quasi a mmestiri: - 'Na cima,
chi v'accumpagnu!... Genti d'ogni etati,
... Ribbelli pimuntisi! (Maria Virgini!
Parinu foddi! ... Allegri... Tutti armati...).

Chiddi di Sapri (Botta e lu Nicòtera)

'nfussati e ferri a Santa Catarina2

cumprènninu c'arriva Garibardi,
...vàsanu 'i carciareri e la catina.

l o ad uno dei vecchi Rallo, padrone della barchetta storica
2 il castello sul colle, carcere borbonico

270