Page 81 - ambiente
P. 81
V entu di tunni
Fora scumìa.
'Un c'è cavalluneddu
senza 'a sò palummedda supr'a schina;
'i niulati
- pàrinu scialli supr'aò trucchinettu -
s'agghìcanu e si làssanu, scirati.
'I parmi
sutt'ae ziffi d'u ricali
'mpazzìscinu e s'ascippanu 'i capiddi;
di vàrdia ali'orti,
santìanu a vrazza aperti versu 'u celu,
bistimiannu contru 'amala sorti.
'I casi a' Chiana
pàrinu deserti:
porti e finestri, 'n facci ò mari, chiusi;
rintra, attangati,
'n facenni mogghi, vecchi e picciriddi...
...(L'òmini eu ll'armali, 'nte pinnati...)
Un palascarmu1
arranca a ddeci rrima
chi ppari assicutatu d'i murischi...!
Porta assitati
di nàutu2 vàrdì 'i turnu e tunnaroti
arsi di siti e suli, caliàti.
1 palischermo, grossa barca a molti remi
2 altomare
267
