Page 45 - ambiente
P. 45
Faugnana
Ti stannu 'n facci e vàrdanu 'ncantati
'i cosi d'a Sicilia;
l'orizzonti
spinna di luntananza a mezzijornu,
e Lèvanzi, 'u Marètamu, 'u tò mari
gilusi fannu 'a vàrdia tutt'intornu...
Scogghiu 'nfatatu chi fai beddu 'u celu,
'u suli e 'u lustr'i luna,
...quantu voti
Erici s'affacciau versu punenti
quannu assitatu di tramunti beddi
sfugava supr'a citra 'i sò turmenti?
I solabella,... si,... sarrà bidduna
mmezz'ò sò lagu,
tutta villi e specchi;
Capri, china di ciuri e canzunetti,
'ncastrata 'nta 'ddu mari di cubaltu,
penza chi Fougnana... 'un si cci metti!
...Posti di 'nnamurati,
paradd1.s.1....l
...Sarriti beddi, ma... chi mi cuntati?!
'Na petra vostra... è sempri 'na petra!...
(ch'un senti,... 'un parla,...
'unn 'havi nudda vita!)
...Mentr i 'na petra di Fougnana mia,
s'a vardi, si rrimina!... E si cci parli,
ti senti... e t'arrispunni: 'n puisia!
AURELIO
231
