Page 36 - ambiente
P. 36
E' festa, festa 'n campagna:
senza pitrati... st'jornu!).
Un omu d'un pezzu di sessantacinq'anni,
c'a picciridda accarvacata supr'ò coddu
camina abballariannu:
pari mezzu mmriacu
d'arsura e bulìu: 1 forsi puru di rriordi.
'A strata è chidda da pirrera,
ma 'staòta senza 'a ccetta supr'a spadda
nè 'u pani sutt'ascidda
né 'u bùmmalu 'n manu
chi 'nsùvara 'u ìritu!
Va a divirtimentu, 'staòta,
c'a famigghia!!
( 'N'àutra divirtuta, p'a Maronna,
l'avia fattu prima di maritàrisi...).
E 'ntantu penza all'ogghiammari
c'hav'a cògghiri e frìiri,
a' patedda, all'alaò...
( - E si 'nfruntassi 'na siccia?!).
Finarmenti 'st'jornu
si pò mmriacari mmezz'ae soi;
e quannu è mmriacu
hav'a fari 'na certa cosa 'nta rutta;
e poi, 'ntall'arca o 'nta rina
hav'a dari spittaculu di forza e d'aggilità
- a cazzicatùmmuli;
forsi havi puru a cantari...!
1 buUu: umore, voglia
222
