Page 107 - allegorie

Sciccarèddu Sardignòlu

Sintemu: ... chi prugràmmi stai pinzànnu?...
Scummèttu chi m'avànti la pacènza
d'i scecchi ubbiriènti a lu cumànnu
p'accavaddàri, poi, di priputènza...

T'avvèrtu ch' unn'è cchiù lu tempu anticu:
...l'omu è riduttu a paru di l'armali:
e, siddu si rivòrgi ad un birrìcu,
l'hav'a trattàri comufussi uguàli.

Mi piàci d'adduvàrimi a cuntrattu;
si tu nun m'addivènti scarafùni,
ti portu 'n gruppa; ... m a - lu pattu è pattu -
jò sugnu sceccu e tu si lu patruni

chi havi a suttustàri, rassignatu,
a tuttu chiddu chi cummèni a mia:
quannu 'un t'agguàla cchiù 'stu cuncurdàtu,
ti lassu 'n terra pi' suvirchiarìa.

«Ott'uri di travàgghiu, assicuràti,
di quann' affàccia 'u suli a lu tramuntu,
cumprìsi 'na pruvènna e 'ddi cacàti
chi (puru s 'un camìnu) vannu 'n cuntu.

Lignàti nenti; ... e mancu maravìgghia
si jò m'appàgnu di li scupittàti...
Sacchìna sempri pronta, eu canìgghia,
e sìcchiu apprèssu, pi l'abbiviràti.

157