Page 109 - allegorie

Sceccu vinnutu *

Certu chi mi fai pena! 'Mpasturatu
eu ll'anchi appuntiddàti 'nta murata;
'a varca chi s'annaca 'nta burdata
ti porta 'n terra ferma: cunfinatu!

Fatti curaggiu; tantu,... poi si mori!
'Ddu crastu chi ti retti ae trapanisi,
mancu ti misi nnomu! Fici 'i spisi
...e 'un sapi comu chianci Ju tò cori.

...'Dd'erva, 'u pagghiaru, l'acquazzini,... Addiu!
'Dd'aruta chi ti sbòmmica a' scurata...
e, a' Vimmaria, 'ddu chiam'i cirruvìu,

'ddu friscu d'arca ò tornu, 'ddu sciacquìu
'nto puzzu ( e , si ti fermi, 'na nirvata) ...
'Na papardedda,... 'u faru,... 'ddu giulìu...
(Puru 'dda putra ch'era 'nta pinnata,

- .. .propriu 'nta maju - ! è sula e scunzulata.)

AURELIO - Sampierdarena, 29 maggio 1957

• pena per un asinello che imbarcavano a Favignana

159