Page 111 - allegorie

Si spetta a mmia

Si, Ddiu nni scanza, veni arrè 'u sdilluviu
- comu 'dda vota di Nuè e di l'Arca-
e spetta a mmia di fàrimi 'na ciurma,
...'u virirrìti a ecu' mi portu 'n marca!

Armàli picca: su' pirmissi i cani,
vacchi, purceddi, pècuri e cunigghia;
sbannùti su' di l'Arca scecchi e muli:
nuddu a cavaddu! Cu' 'un camìna, aggìgghia!

Pruibbìtu purtàrisi marteddi,
chiova, cazzoli, lìsini e mannàri:
sulu chitarri, carti di trissetti,
lenzi, scupetti... e vinu a sdilluviari!

Libbra di puisii d'òmini antichi,
'a Bibbia, 'a fàula 'e Budda e di Maumettu ;
ma nenti carta, pinni e calamari:
eu' cci havi a ddiri cosa,... pettu a pettu!

Màsculi picca, e fìmmini una ll'unu;
p'un pèrdiri l'usanza di... jri all'erva
anzi nni lassirrìa quarcunu... all'urmu:
(si unu s'arritìra, cc'è 'a rriserva!)

Ae frmmini è pirmissu fari e sfari
- però pi lliggi e nno pi ssò capricciu -
mentri l'omu è suggettu a 'un travagghiari
(e ecu 'sta rrèula 'n marca,... 'un c'è bisticciu!)

161