Page 114 - allegorie

Si tu canti...

Si tu canti, si tu canti: «Foougnana... »
'nta 'na strata, fussi a Genuva o Milanu,
certu trovi a eu' si ferma e ajsa 'a manu
...e t'attacca 'u contracantu supra 'u «dO».

Si tu chiami, si tu chiami: «Fougnaana! »
supra tutti 'i curazzati d'a marina,
ti rispùnninu d'a coffa e d'a sintina:
- «Mi ch iamàstiù, mi chiamàstiu, chi cc'è??»

Si cci scrivi, si cci scrivi di Fougn ana
ò 'n ministru, o 'n ginirali, o 'n magistratu,
'n carta dici... chi ti senti cunfinatu,
però pensi: - 'stu mischinu, 'sà chi fa?

Si tu leggi , si tu leggi «Fougnana»
supr'ò 'n bullu di 'na littra la cchiù vili,
fussi a Tunisi, 'nn'America o 'n Brasili,
pigghi 'a varca, 'u trenu o 'u sceccu... e torni ddà!

Si bistèmii, si bistèmii a Fougnana
p'a scarsizza, p'i 'nfamuna mai queti,
'un s'affenni, 'un s'affenni l'arcipreti,
ma ti dici: - 'Nfamunazzu, d'unni si'?

Si tu penzi, si tu penzi a Fougnana
mentri vasi 'a megghiu fimmina d 'a Francia,
...arrifriddi, smoddi, 'mparpi, perdi 'a lancia,
...viri 'a Praja, 'a Piazza, 'u Oscu... e 'un vasi cchiù!

164