Page 127 - allegorie
P. 127
Parla Sant'Ammròciu... ( risposa a « U scùcchiu »)
«Siddu cuntasti bonu, e su' cinquanta,
t'avvertu ch'un c 'è nenti di tagghiari;
né ppò giuvari 'nguentu o visicanta,
né cosafatta 'n manu di maàri...
A gghiornu - si cci frischi - si sbacanta
e s'arridduci a ... peddi di pisciari.
Sparagnatilla 'a torcia: si t'agguanta,
l'addumi ogni tri misi,... pi ppruvari.
'Unn'era priparatu a 'sta mmasciata
tutta 'nt'on corpu, 'n prima; 'i cinquant'anni,
mi pàrsiru assummati a l'impinzata...
...Pi gghiri di nni Tappu a Calaranni,
pirchissu cerchi l'àutu 'mpristata,...
...pirchissu 'stu to' «Scucchiu» è 'na mmasciata!
VITO · 13 dicembre 1954
• risposta a 'U scucchiu
177
