Page 129 - allegorie
P. 129
V inu vecchiu
Vigni du voscu, tantu dicantati,
- c'addivintàstiu... chiusi a babbaluci!
scusati si 'sti versi sù stunati,
scusati si mi manca oricchiu e vuci...
Mi trovu d'accapizzu un cannatuni
di vinu vecchiu, autenticu vuscaru,
e allongu eu lu chiantu ogni vuccuni,
sapennu chi 'stu nèttari è assai raru!
E Tu, chi vinci vini d'ogni locu,
chi grapi lu 'ntillettu a cosi granni,
abbivìra 'stu cantu affrittu e rocu
...e nun tradìri l'estro di li nanni!
Canta, chi 'sta chitarra nun è mala!
Càntami li canzuni di viddani,
càntami lu lamentu da cicala
chi frii circannu amuri tani-tani;
lu cantu di l'ariddi 'nta ristuccia,
'mbriachi da fraànza di 'sta terra,
quannu l'urtimu suli si cci ammuccia
e a-mmari l'orizzonti si l'afferra...
...Torna la crapa a 'ss'ura 'nta Iu chiusu,
lu sceccu a lu patruni duna vuci,
curri lu petturrussu 'nto pirtusu...
...Lassa la zappa: è l'ura di la Cruci...
179
