Page 130 - allegorie

Ura di paci e di pinzeri arcani,
canti di carritteri, ciancianeddi,
cucini chi fumìanu... Li viddani
màncianu a ssira, comu puvireddi...

-Belli pinzeri chi mi canti, Vinu!
Senti 'stu «do maggiuri», vah, canciàmu!
Aspetta,... mi nni fazzu un bicchirinu...
...Parola, chi frànza!... Seguitamu...

Cci penzi quannu ancora eri racina
e lu tò zuccu, 6 suli, t'annacava?
Sucavi tuttannotti l'acquazzina,
e la tò terra, a gghiornu, ti 'ndurava...

E poi,... cci penzi cchiù soccu cantava
'.:Ida picciuttedda quannu ti cugghìu?
Era fucusa, ... eppuru si scantava,
...però, 'nto sturnillari, chi bulìu!
eh1. pettu, ha, racm. edda.r:.>... E ch1. ci.ancati..,
E 'dd'occhi, un focu!... E quannu vinnignaru
chi si dicìanu schetti e maritati?...
...E a - nnotti, senza stiddi, chi sunnaru?

E Tu, vinu buffuni, penzi e ridi...,
e sì segretu megghiu di li muti!
Pi tia torna la fidi a eu' nun cridi
...e puru la spiranza a li curnuti!

Lu rimu alliggirisci ò marinaro,
e metti a lu pueta l'estru 'n festa;
quadìi la grutta 6 'nvernu a lu craparu,
a li sturiusi fai d'èlica 'n testa...

180