Page 134 - allegorie
P. 134
Sangu... cumanni... corp'e friscalettu...
taliàni nostri e niuri ammunziddàti...
Sùriciu, arripizzàtu rintra e fora,
gigghia abbruciàti, peri e vrazza rrutti,
...passàru dui, tri anni e t'arritìri
-(si t'arritìri- ch'un succèri a tutti!).
Trovi 'i to' vecchi, vecchi e bianchiàti,
'i picciriddi longhi. ... Arrè bbannèri,
ciuri, sfilàti, musichi, riscursi...
I pezzi 'rossi, sempri cchiù 'ngrussàti,
t'ammìtanu pi' sèntiti cuntàri,
ti fannu 'i cumprimenti a mmanacciati:
- «Càuru, ah? Cci su' poi 'ssi minèri?»
Bravu, perbaccu! Ha' fattu 'u to' duvèri! »
Cerchi travagghiu comu nenti fussi,
scurdàtu cchiù di chiddi ch'un partèru,
bbonu pi 'n'autra vota (- si t'attòcca!)
...'1 fumi d'i vint'anni già si nn'jeru).
Si ti parlanu d'Africa,... si lleggi
supr'ò ggiurnali chiddu chi truvàru
i valorosi eroi ...d'a paci fatta,
ti pari ch'un ci fusti e t'u cuntàru
chi cc'era verra, ...chi ci fu vittoria
a pprezzu d'omu; ... chi muntagni e chiani
foru vinciùti sulu d'i surdàti
murennu e cummattènnu, a sciabbulàti.
184
