Page 135 - allegorie

Pàrlanu sulu ri diplomazzìa,
cuvirnatùra, cònsuli, prefetti,
civilizzazzìoni... gran bbanàni! ...
cummerciu, industria, cumpagnii africani,

tirrèni accaparràti, piantagioni,
cuncessionarii... ('i schiavi menu schiavi
ma sempri eu ppatrùni!) e ti dumanni
s'è cchissa 'a vappària chi ti sunnàvi!

Dumanna chi si ficiru, tra d'iddi,
'i carugnùna chi v'accùmpagnàru
c'a musica, i fascisti e il popolàme:
chiddi ch 'àppiru 'mmiria, ma pinzàru

ch'a verra è bella... vista 'nte ggiurnàla,
mannànnu «i fissa » avanti ch'i bannèri
e priparànnu 'ncasa 'i piani seri...
-Poi, quannu passa «'u càuru», ch'i valiggi,

(rintr'a valiggia 'u Fasciu, 'a Lupa, 'a Storia),
sbarcàri eu gran pompa e gagliardettu,
a ttantu ò misi... ( chiù ...t an tu di bòria !) .
- «Capisci? !... L'espanzioni coloniali

si fa eu' ttattu! -Un pocu 'i bbona cera,
'n'amicu ò Ministeru, 'u sturiu 'n corpu,
prattica di pulitica,... carrèra
fatta 'nto Fasciu,... quarchi ruffianàta...

-«Capisci, fissa!?- Tu ch'ha' fattu?- Nenti!
- «Cu' si'? - Comu ti chiami? - D'unni veni?
...Pi quattru scupittàti e 'na s uràta
pirdisti 'a testa e già 'sa eu' ti senti...

185