Page 131 - allegorie
P. 131
Li fimmini ti vivinu ridennu,
(stritti li denti, e l'occhi a pampinedda)
e sònnanu vasuna senza sennu,
carizzi... e - pirchì no?- pizzicunedda!
Puru li vecchi vivinu: sù nanni,
e quasi - quasi tornanu filici:
rivannu a lu pinzeri di vint'anni,
a zziti, 'nnamurati e vecchi amici...
A 'sta chitarra cci ammusciàu lu tonu,
parti la fantasia si nun l'agguanti...
- Lassa cantàri a mmia,... mi misi bonu:
...cannata e ciriveddu sù vacanti!
AURELIO · Favignana
181
